Wararka laga helayo magaalada  Kambaala ee xarunta dala Uganda  ayaa ku waramaya  in xalay   qaraxyo is xig xiga oo ahaa kuwa culus ay  ka dhaceen gudaha Kambala  gaar ahaan goobo aqaaxid ah oo  lagu daawaynayey ciyaaraha koobka Aduunka  oo xalay lagu soo gabagabeeyey dalka South Afrika iyadoona qaraxyad ay geeysteen  qasaaro culus.

Sida uu xaqiijiyey sarkaal Boolis Ugandees ah oo magaciisa la yiraahdo Kale Kaihura oo saxaafada la hadlay ayaa sheegay in qaraxyadaasi labada ah ay fuliyeen  xoogaga islaamiyiinta   Soomaaliya gaar ahaan xoogaga  Al – Shabaab, waxa auuna cadeeyey in qaraxa ay ku geeriyoodeen i  ku dhowaad 30 ruux  halka dhaawacana  ii intaasi ka badan yahay.

Mr. Kale ayaa hadlay ayaa yiri waxaa qaraxyadaani ka danbeeya Al – shabaab iyagoo ay la fuliyeen buu yiri kooxaha Al – qaacida oo ay xiriir leeyihiin waxaana ay dileen buu yiri dad ciyaar iska daawanayey kuna cunteeynayay maqaayado.

Qaraxyadaani ayaa waxay kakala dhaceen maqaayad lagu magacaabo Ethiopian Restaurant oo ku taala bartamaha magaalada Kampala iyo maqaayad kale oo aan ka dheerayn oo iyadana la yiraahdo Kyadondo Rugby Club, labadaani maqaayadood oo aad looga buuxay ayaa tirada marba marka danbaysa ay sii badanayaan dhimashada dhaawaca oo badan awgii.

Lama oga in qaraxyadaani ay ahaayeen dad naftood hurayaal ah oo isku dhex qarxiyey iyo in la dhigay waxyaalaha qarxa dabadeedna loo isticmaalay saacadaha lagu cabiro.

Wax war ah kama soo bixin  Al – shabaab iyo Al – Qaacida,  hasa hatee dhowaan ayey ahay markii  Amiirka ugu sareeya Al Shabaab Sheekh Subeeyr uu  digniin  culus o diray   wadamada ciidamada ay ka joogaan  Magalada Muqdisho gaar ahaan Burundi iyo Uganda.