Wararka laga helayo magaalada Baladweyne ee Xarunta gobolka Hiraaan ayaaa ku waramaya in dagaal    u dhaxeeyey  Al Shabaab iyo   Ahlu Sunna Waljamaaca uu ka dhacay  deegaanka Goobo ee duleedka magaalada B/weyne ee Xarunta gobolka Hiiraan.

Dagaalka oo ahaa mid  dhacay shalay gelinkii danbe ayaaa lagu waramayaa in uu qaatay  ku dhowaad hal saac,  waxaa sidoo kale la sheegayaa in ay ku geeriyoodeen dagaalka  ciidamada ka tirsan labada dhinac  Inkastoo  aanan la ogeeyn qasaaraha inta uu la egyahay.

Sidoo kale wax war ah maka soo bixin saraakiisha ciidamada Ahlu Sunna waljamaaca iyo dhanka  maamulka   Al Shabaab ee gobolka Hiiraan,  waxaan wararkii ugu danbeeyey ee ka imanaya magaalada B/weyne ay ku waramayaa.in xiisad ay ka taagan tahay magaalada  dadkuna ay ka  baqdin qabaan in weerar ay soo qaadaan ciidamada Dowlada iyo kuwa Ahlu Sunna.

Gobolka Hiiraan gaar ahaan magaalada B.weyne iyo deegaanada ku dhow ayaa waxaa ku soo noqnoqday dagaalada dhaxmara ciidamada  xoogaga Islaamiyiinta iyo  Ciidamada Dowlada  iyo Ahlu Sunna Waljamaca, waxaana daagaaldu  qasaraha ugu daran ay gaarsiyaan  dadka shacabka ah.