Qaraxyo xogan oo xalay gilgilay qeybo ka mid caasimada dalka Ugandha Ee Kampala ayaa waxaa durba soo if baxaya canbaareyn is daba joog ah oo ay ka muujinayaan beesha caalamka .

M/weynaha dowladda KMG Sheekh Shariif Sheekh Axmed oo la hadlayay ayaa canbaareyn dusha kaga tuuray cidii ka danbeysay qaraxyadaasi oo ay ku geeriyooodeen dad aad u fara badan oo ay ku jireen dad ajaanib ah oo u dhashay dalka Mareekanka.

Sheekh Shariif Sheekh Axmed oo hadalkiisa sii wata ayaa sheegay in falkaasi ay ka dambeeyeen kooxo uu sheegay inay xariir dhow la leeyihiin Ururka Al Qaacid kuwaasi oo uu tilmaamay in ay la dagaalamaan nolosha bini’aadamka, waxaana uu falkaasi ku tilmaamay in uu yahay mid lagula dagaalamayo nolosha dadka bini’aadamka.

Xukuumadda Mareykanka Braak Obama ayaa sidoo kale si kulul u cambaareysay qaraxyadaasi xalay ka dhacay caasimadda Uganda ee Kampala oo ay kaga dhinteen muwaadiniin u dhashay dalka Mareekanka isagoona sheegay in uu garab ka siin doono arinkaasi.

M/weynaha Mareykanka Brack Obama ayaa wuxuu sheegay weerarkaasi inay ka dambeeyaan dad wax ma garato ah, waxaana xukuumadda Mareykanka ay ku baaqday in gacanta si deg deg ah loogu soo dhigo dadkii ka dambeeyay qaraxyadaasi.

 Marka laga reeebo masuul ka tirsan Alshabaab oo sheegay in ay ku faraxsanyihiin ayaysan jirin ilaa haatan cid sheegatay masuuliyada qaraxyadaasi oo qalqal galiyay amaanka guud ee dalka Yugaandha.

W/Q: Kamaal Xasan Maxamed

kamaal_cade@hotmail.com