Inta la ogsoon yahay laba 2 qof ayaa u geeriyootay mid kalena waxaa soo garay gaaray dhaawac ka gadaalka markii uu ismaandhaaf soo kala dhex galay koox burcad badeed somaliyeed oo markab ay qafaasheen ku heystay xeebta bargaale oo ah deegaan ka tisran Gobolka Bari , kooxdaana ayaa ku kala aragti duwanaaday halka lagu heynayo markaan oo ay ka sugayaan in lagu siiyo lacago malaayiin door ah oo madaxfurasho ah .

dadka deegaanka qaarkood ayaa saxafada u sheegay in ismaandhaafka kooxaha burcadbadeedda ah uu ka bilowday markabka ay haystaan, iyadoo qaar ka mid ah ay dalbadeen in markabka meesha laga qaado halka kuwo kalena ay arrintaas diideen.

"Deegaanka Baargaal waxaa la keenay laba qof oo dhaawac ah, waxaana dhintay mid ka mid ah, marka khasaaraha la ogyahay oo dagaalkii saakay ka dhashay waa intaas" ayuu yiri Abshir Yuusuf oo ka mid ah dadka deegaanka oo u hadlay saxaafadda.

Abshir oo ka mid ah waxgaradka deegaanka Baargaal ayaa sheegay in muranka uu weli taagan yahay, iyadoo xalay ay kooxaha burcadbadeedda ah uu xoogeystay khilaafka u dhexeeya, saakay uu isku badalay gacan ka hadal.

Inkastoo dagaalku uu qaboobay, haddana wararkii ugu dambeeyay ee laga helayo deegaanka uu dagaalku ka dhacay ayaa shegaya in xiisado colaadeed oo labada kooxood u dhexeeya la dareemayo, iyadoo laga baqdin qabo inay arrintu isku badasho qaab beeleed.

Markabka ay kooxahan haystaan oo aan la sheegin dalka laga leeyahay ayaa wuxuu halkaas ku xiran yahay muddo dhowr bilood ah, iyadoo khilaafkan gacan ka hadalka sababay ee u dhexeeya kooxahan uusan ahay markii ugu horreysay