Dhawaqa madaafiicda oo si xoogan xalay o dhan looga maqlayey qeybo ka mid ah deegaanada magaalada Muqdisho Madaafiicdaan ayaa ahaa kuwo lagu garaacayey xalay xaafado ka mid ah degmooyinka Gobolka banaadir.

Deegaanada lagu abrtilmaameedsanayey madafiicdaan ayaa ahaa deegaanada Faanoole iyo Jabuuti oo ka tirsan dagmada kaaraan ee Gobolka banadir.

Galinkii danbe ee xalay ayey madaficdaan xoogoodu ka bilaabatay qeybo ka mid ah dagmada kaaraan waxaana markaliya la maqlayay Madaafiicda nooca BM ka ah oo xaafadahaasi lagu garaacayo.

Dad gobjoogayaal ah ayaa saxafada u sheegay in Madaafiicdii xalay qal qal xoogan ku abuureen isla markaana ilaa waaga ka baryay soo jeedeen.

Inta la xaqiijiyay 10 ruux oo rayid ah ayaa Madaafiicdaasi ku geeriyootay halka 12 kalena ay ku dhaawacmeen.

Dadkii dhaawacmay ayaa ah kuwo saaka lagu dabiibayo isbitaalka keysaneey ee Magaalada Muqdisho.

Xaalada ayaa  ah  mid dagan inkasta oo dadka ku haray degmada kaaraan bilaabeen dhaq dhaqaaqyo ay guryahooda isaga guurayaan.