Ra’iishul Wasaraha Xukuumada KMG ah ee Soomaaliya Cumar cabdi Rashiid Cali Sharma’arke ayaa sheegay in xaalada Soomaaliya ay mareesyso meel xasaasi ah, waxa uuna tilmaamay in waxa leeysku heeysto ay tahay magaca iyo Calanka Soomaaliyeed.

Waxa uu sheegay ra’iisul Wasaraha Soomaaliya in dalka Soomaaliya ay ku soo duleen dad doonaya in ay baabi;iyaan calanka iyo magaca Soomaaliyeed, waxa uuna ka codsady ciidamada Dowlada in ay ilaaliyeen sharafta ciidanka oo ay dalka difaacaan.

“waxaa leeysku heeysto waa calanka iyo magaca Soomaaliyeed, waxaa la doonyaa in la baabi’iyo, ciidamada waxaan u sheegaa in ay hogan yihiin dhar cadaan ah loona baahan yahay in wasaqda ay ka ilaaiyeen, waxaa weeye waa in ay shacabka iyo dowlada ay cadowka ka difaacaan, sidaa waxa yiri Ra’iisul Wasaraha Soomaaliya.

Hadlkaan ayaa ra’iisul Wasaraha Soomaaliya Cumar Cabdi Rashiid waxa uu ka sheegay xaflad shalay tababar loogu soo xirayey ciidamo ka tirsan Dowlada KMG ah ee Soomaaliya oo gaarayey 800 oo ay 100 ka mid ah dumar ahaayeen