Ciidamada dowlada KMGS ayaa saakay mar kale ku qamaamay xaafado ka mid ah degmada Waaberi ee Magaalada Muqdisho, iyaga oo ka sameeyey howlgalo baaritaan ah.

Howlgalkan ayaa yimid kadib markii xalay Qarax Miino Askar ka tirsan dowladda KMG lagula eegtay Xaafada 21 ka Octobar xili ciidamadasi ay marayeen waxaana qaraxaasi ka dhashay Dhimasho iyo Dhawac soo gaaray askartaasi.

Dadka la qabqabtay waxaa ku jira Arday iyo dhalinyaro xaafadeed Ciidamada Dowladda KMG howlgalada saaka ku qabqabteen, waxaana dadkaasi loo gudbiyey saldhiga Ciidamada.

Ma ahan markii ugu horaysay Ciidamada dowladda KMG ee soomaaliya howlgalo dad lagu soo qabqabto ka fuliyaan degmooyinka Magaalada Muqdisho.