Duqeymo xoogan oo qasaaro geestay ayaa ayaa xalay saq dhexe iyo goor hore oo saaka ah lagu garaacay qeybo ka mid ah magaalada Muqdisho.

Inta la ogyahay saddex qof ayaa ku dhaawacmay xaafadda Suuq Bacaad ee degmada Yaaqshiid tiro madaafiic ah oo halkaasi ku dhacday.

Madaafiic kale oo xoogan ayaa waxaa ay ku dhaceen degmada Kaaraan iyo goobo kale oo ka mid ah waqooyiga magaalada Muqdisho.

Degmada Boondheere, oo beryihii u dambeeyay dagaalo culus ay hareeyeen, ayaa waxaa laga maqlayay madaafiic ku dhaceysay xaafado ka tirsan degmadaasi.

Jawiga deegaanadaasi ee madaafiicda xoogan lagu garaacayay ayaa haatan waxaa ay yihiin kuwo degan, inkasta oo aan la isku haleen karin xaaladdani.