Afhayeenka dhanka Howlgalada u qaabilsan Ururka xizbul islaam Maxamad Cismaan Caruus oo warbaahinta la hadlay ayaa sheegay ururkooda inuusan marnaba is badali doonin mowqifkooda dagaalada ay kula jiraan Dowladda KMG iyo Ciidamada AMISOM, haddii dalka la keeno Ciidamo Dheeraad ah.

Caruus ayaa sheegay inuusan wax wal wal ah ka qabin ururkooda ciidamo keenista Soomaaliya, isagoona ugu baaqay dalalka balan qaaday in ay Ciidamo geynayaan dalka Soomaaliya dib uga laabtaan go’aankaasi si aysan dhibaatooyin ugala kulmin dagaalada ay ku hayaan ciidamada AMISOM.

Hadalkan waxa uu jawaab u yahay kadib markii Madaxda Midowga Afrika ay ansaxiyeen in Soomaaliya la geeyo 2 kun Askari isla markaana dalal 6 gaaraya ay sheegeen in ay Soomaaliya ugu yaboohayaan Ciidamo nabad ilaalin ah.