Ayadoo uu soo idlaaday kulankii 16 aad ee isugu imaan jireen madaxda Qaarada Afrika ayaa waxaa intiisa badan uu ahaa mid ay uga wada hadlayeen madaxda arinta Soomaaliya oo aheyd mid ugu weyneed ee kulanka uu ku furmay

Kulankaasi ka dib ayaa waxaa ka soo baxay go^aano la doonayo in wax looga qabto xaaladda ammaan ee Soomaaliya iyo sidii loo sii wadi lahaa howlaha ciidamada AMISOM ay ka wadaan guud ahaan Soomaaliya kuwaa oo lagu taageerayo sidii ay wax uga qaban lahaayeen.

Waxaa la go^aamiyay in sida ugu dhaqsiyaha badan 4000 oo askari loo soo diro gudaha Soomaaliya kuwaasi oo lagu kordhinayo ciidmada AMISOM howlgalka ay ka wadaan gudaha dalka Soomaaliya.

Sidoo kale, Madaxda ka qeyb gashay shirka ayaa waxaa ay isku raaceen in laga fikiro in ay howlgalo ama weeraro ay qaadaan ciidamada AMISOM inkastoo Mareykanka iyo Qaramada Midoobay ay ka soo horjeesteen nabad dhaliyeyaal loo bedelo ciidamada AMISOM magaca iyo howlgalka ciidamada AMISOM ee joogo Soomaaliya.

Mr. Jan Ping ayaa wuxuu sheegay inay ka go^an tahay Midowga Africa inuu ciidamo dheeraad ah si deg deg ah ugu soo diro Soomaaliya kuwaa oo iyana si deg deg ah wax uga badalaya xaalada dalka, waxaana dhawaan ka soo dagtay garoonka Muqdisho saraakiil indha indheyn ku sameyneyso fadhiimaha ciidamada cusub ee la soo wado.

Dowladaha ciidamada haatan u soo socda Soomaaliya ayaa waxa ay kala yihiin Guinea kun askari, Jabuuti kun askari, iyo wadamada IGAD oo soo diraya labo kun askar taa oo tirada guud ka dhigeyso 10,000 oo askari waxaana barbar socda in dhamaan ciidamadaasi lagu taageerayo agabka dagaal oo ay ka midyihiin Diyaarado Taangiyo oo la sheegay in dhawaan gacanta laga saarayo AU da.