Wasiirka dib u heshiisiinta Xukuumada KMG Soomaaliya Xuseen Warsame Samatar oo wareysi siiyay Idaacadaha ayaa waxaa uu sheegay in dowladda marar badan ay wahadal ugu baaqday xoogaga ka soo horjeeda dowladda hadana sida uu tilmaamay dhinacyada hubaysan ay u furanyihiin albaabada wadahadalka.

Waxaa uu intaasi ku daray wasiirku in qorshaha dowladu uu yahay sidii ay wahadal ula gali lahaayeen garabyada siyaasadeed ee ka dagaalama Soomaaliya iyo qof walba oo ah muwaadin Soomaaliyeed si looga baxo dhibaatooyinka ka taagan dalka Soomaaliya.

Mar ay Warbaahinta weydiisay Wasiirka dib u heshisiinta Xukuumada kMG Soomaaliya hadii wadahadalka ay diidaan dhinacyada ka soo horjeeda dowladda inay adeegsanayaan talaabo militari iyo in kale ayaa waxaa uu ku jawaabay in mar walba ay wadahadal ku baaqayaan hase ahaatee aysan ku deg degeyn dagaalo ay la galaan dhinacyada ka soo horjeeda.

Hadalka wasiirka dib u heshiisiinta Xukuumada KMG Soomaaliya ayaa waxaa uu imaanayaa xili wasiirka gaashaandhiga Xukuumada KMG Soomaaliya uu dhawaan sheegay in uu xirmay Albaabkii wadahalkii kala dhaxeeyay Xoogaga hubaysan ee dagaalada Kula Jira Dowladda Soomaaliya.

W/Q: Kamaal Xasan maxamed

kamaal_cade@hotmail.com