INAA LILAAHI WA INAA ILAAHI RAAJICUUN..

Aydoo dhamaan manta aysan jirin wax warbaahin ah oo ka shaqeynaya muqdisho ayaa misna waxaa saakay lagu wadaa sidii loo aasi lahaa agaasimahii idacaaada horn afrk saciid tahliil axmed ooshaly kooxo dabley ay ku toogteen gudaha magaalada muqdisho.

Dhamaan bahda warbaahinta ayaa saakay isku howlayo sidii ay u aasi lahaayeen marxuumkaasi shalay sida arxan dara ay ugu dilay kooxahaasi aanan heybtooda la aqoon magaalada muqdisho ayadoo dad aad u fara badan ay haatan soo buux dhaafinayaan cisbitaalka madiina oo meydka marxuumka la geeyay.

Saciid tahliil axmed ayaa ka mid ahaa wariyaashii hore ee ka soo shaqeeyay talifishinkii soomaaliya isagoo markii dagaalada ay dhaceyn ka dibna uu ka mid noqday wariyaashii isku howlay in ay ka sii shaqeeyaan radio muqdisho oo marxalado soo maray.

Ilaahay ha u naxariistee saciid tahliil axmed wuxuu ifka uga tagay laba xaas ayadoo sidoo kalana uu ka geeriyooday 10 caruur ah oo iskugu jira gabdho iyo wiilal.

Shalay markii falka nadaxdinta leh loogu geystay magaalada muqdisho agaasimihii idaacada iyo tv horn afrika waxaa daqiiqado gaaban la hadlay dadkii iskugu yimid halkaasi axmed c/raxmaan jaakad oo isna ka mid ah masuuliyiinta idacaada oo u sheegay in saciid tahliil uusan aheyn wariye oo kaliya balse uu yahay wariye qaran kana geeriyooday qaranka soomaaliyeed.

Wuxuuna intaasi ku daray jaakad in idaacada horn afrik ay soo martay maraaxiil kala gadisan ayadoo tiro wariyaalana looga dilay dalka soomaaliya oo uu ugu danbeeyay agaasimihii idaacada Capital Voice mahad axmed cilmi iyo agaasimihii hore ee horn afrik Cali Iiman sharmaar^arke.

Dhamaan idaacaha ayaa maanta ah kuwa hawada ka maqan ayadoo bahweynta saxaafadana ay manta u tahay maalin murugo oo waxaa ka geeriyooday nin qaali ahaa ilaahay ha u naxariistee saciid tahliil ayaa lagu xasuustaa barnaamij gaar ah oo uu ka soo jeedin jray idaaca maalinta jimcaha oo aad u xiisa badnaa.

MOHAMMED IBRAHIM AYAANLE